Lubos ko pong ipinagmamalaki sa lahat na tayo ay binigyang pagkilala ng National Council on Disability Affairs (NCDA) bilang Extraordinary Disability-Inclusive City Government for Excellence in Leadership and Advocacy. Ito po ay ating personal na tinanggap sa idinaos na Conferment Ceremony ng NCDA Biennial Recognition Award kahapon, July 22, sa Sequoia Hotel, Quezon City.
Ang nasabing pagkilala ay idinaraos kada dalawang taon kilalanin ang mga indibidwal na may kapansanan at mga lokal na pamahalaan na nagkamit ng tagumpay sa pagsusulong ng inklusibong lipunan at huwarang serbisyo para sa mga Persons with Disabilities o PWDs. Isa po itong testamento ng ating dedikasyon upang walang kahit sinoman ang maiiwan na sektor dahil sa City of Carmona, Dapat Angat Lahat.
Congratulations po sa Persons with Disability Affairs Office at sa buong City of Carmona!
