Sobrang init ng pagsalubong ng mga kabataang estudyante sa Bagbag National High School dahil muling umarangkada ang ating pamamahagi ng educational assistance mula sa programang Iskolar ng Bayan sa Bayan ng Rosario. Kasama ko si VM Bamm Gonzales at mga kapitan natin, ating pinasaya ang mga magulang na tumanggap ng ayuda para sa kanilang mga anak.

Ang bawat isa sa grades 1-8 ay tumanggap ng tig-dalawang libong piso at ang mga grades 9-12 ay tumanggap ng tig-tatlong libong piso. Tulad ng ating laging binabanggit, naisakatuparan ang programang ito dahil sa tulong ni Senator Ramon Bong Revilla, Jr. at Agimat Partylist. Mananatili po ang Iskolar ng Bayan sa Unang Distrito hangga’t nandito kami, patuloy na maglilingkod para sa inyo.