Mula sa paglilinis, diretso sa Payout ng TUPAD ang ating mga kababayan sa Noveleta para tumanggap ng kanilang allowance na P4,700 bawat isa dahil sila ay pansamantalang nabigyan ng trabaho para maging kalahok sa ating malawakang Clean-up Drive. Nabungkal ang ating mga kanal, drainage at ilog na tila ay iniwang bakas pa ng Bagyong Paeng noong nakaraang taon. Ngayon ay makikita nating ubod na ng linis ang mga kalsada sa Noveleta at parang nakakahinga na ngayon ang ating mga ilog sa paligid ng ating mga barangay.

Pakiusap lamang sa ating mga kababayan na panatilihin natin ang kalinisan at kaayusan ng ating mga lugar para naman araw-araw nating makita ang kagandahan ng Unang Distrito.