Bacoor City Cavite – sa kahilingan ni Mayor Strike B. Revilla ng PamahalaangLungsod ng Bacoor, i naresto ng Bacoor PNP sa pangunguna ni PLTCOL John Paolo Carracedo, ang isang lalaki na umano’y nagbebenta ng pekeng Bacoor Solidarity Stickers noong gabi ng Nobyembre 22, 2023.Ang operasyong ito ay direktang tugon sa panawagan ni Mayor Revilla na itigil ang ilegal na pagbebenta at pamamahagi ng mga pekeng sticker sa Lungsod ng Bacoor. Ang suspek, kinilalang si Manuel Rodriguez y Davis, isang 42-taong gulang na security guard at high school graduate, ay inaresto ng 10:30 PM sa Platinum Ville, San Nicolas 3, Bacoor City, Cavite. Siya ay dinala sa Bacoor Component City Police Station ng 11:50 PM. Ang pagkaka-aresto ay isinagawa ng mga taga intelligence at follow-up operatives ng Bacoor CCPS, pinangunahan ni PCPT Edgardo Ablando III, sa ilalim ng direktang pamamahala ni PLTCOL John Paolo Carracedo. Ang operasyon ay sinimulan nitong Octubre 2023 matapos humingi ng tulong si Mayor Revilla sa Bacoor PNP hinggil sa ilegal na pagbebenta ng Bacoor Solidarity Stickers. Si Mr. Rodriguez ay nahuli sa aktong nagbebenta ng pekeng stickers sa isang undercover officer. Sa oras ng pagbabayad, siya ay agad na inaresto ng mga pulis. Ang ebidensiyang nakuha mula sa kanya ay kinabibilangan ng isang Nokia cellphone tatlong Strike Solidarity Route stickers, pitong sticker na may logo ng Las Piñas, at Php1000 na cash.

Ang suspek ay inabisuhan ng kanyang mga konstitusyunal na karapatan sa isang lengguwaheng kanyang nauunawaan at dadaan sa inquest proceedings. Ito ang ikalawang indibidwal na inaresto ng Bacoor PNP na may kinalaman sa pagbebenta ng pekeng Solidarity Stickers sa pakiusap ni Mayor Revilla, na nagpapakita ng dedikasyon sa pangako ng lungsod na ipatupad ang batas at protektahan ang komunidad. MARGIE BAUTISTA