Isinagawa ang Blessing ng Columbarium & Crematorium ng Bacoor Public Cemetery 3 sa Barangay Molino 2, na pinangunahan ng ating butihing Mayor Strike B. Revilla at Ina ng lungsod Cong. Lani M. Revilla. Nagsimula ang proyekto noong panahon ng pandemya nang si Cong. Lani pa ang alkalde na ipinagpatuloy ni Mayor Strike dahil malaking tulong ito sa mga Bacooreño. Mayroong apat na gusali ang nabendisyunan na binubuo ng Bacoor Public Cemetery: Chapel, Crematorium, Memorial Chapel, at Columbarium na may humigit kumulang 3000 na yunit. Sa pamamagitan nito, maari nang makakuha ng kolumbaryo ang mga Bacooreño sa City Cemetery Office at dalhin lamang ang Death Certificate ng yumaong mahal sa buhay. Hindi magiging matagumpay ang proyektong ito kung hindi dahil sa galing ng ating City Engineering Office sa pangunguna ni Engr. Jinky Jutba at ang mga kawani ng City Cemetery sa pangunguna ni Kap. Julie Quiochio. STRIKE AS ONE sa patuloy na pagmamalasakit sa bawat Bacooreño.