Patay ang isang
pinaghihinalaang pusher
ng droga matapos mambato ng granada
at mangagaw ng baril ng
isang pulis sa Bagong Kalsada, Barangay Zapote 1,
Bacoor City, Cavite nitong
Huwebes, December 7.
Ayon sa ulat, tumakas diumano ang suspek
matapos hainan ng warrant
of arrest ng isang pulis na
nag-resulta sa isang komprontasyon sa pagitan ng
suspek at ng opisyal.
Sa alagwa ng pulis at
ng suspek, bigla diumano
itong nambato ng granada
sa kanila. Hindi sumabog
ang granada at agad rin nakahabol ang mga pulis sa
suspek.
Ngunit habang nakadapa ito at pinipigilang gumalaw ng pulis, rumolyo ito paharap at pilit inagaw ang
baril ng opisyal.
Namatay ang suspek
matapos pumutok ang baril sa kanyang direksyon
habang nangyayari ang agawan.
Kinilala ang yumaong
suspek bilang si Andy Sacred y Tolentino, 28 anyos,
residente ng Barangay Talaba 6 sa mismong lungsod.
Iniimbestigahan naman
ng Scene of the Crime Operatives (SOCO) at Explosives
and Ordinance Disposal
(EOD) ang pinangyarihan ng
krimen.(GOCAVITE)