Sa pakikiisa ng Pamahalaang Lungsod ng Imus sa pagdiriwang ng Earth Day 2024, iginawad nina City Mayor Alex “AA” L. Advincula, Vice Mayor Homer “Saki” T. Saquilayan, at ng mga miyembro ng Sangguniang Panlungsod ng Imus ang 50 bagong eco-carts at dalawang bagong eco cabs sa eco-aides ng mga barangay sa Imus ngayong Lunes, Abril 22, 2024.

Kasabay nito ay isinagawa rin ang pagbabasbas sa dalawang eco cabs na magagamit ng mga barangay sa mga malalakihang paglilinis sa lungsod.

Ang mga naturang eco cab at eco-cart ay munting handog nina Mayor AA at Congressman Adrian Jay “AJ” C. Advincula para makatulong sa paglilinis ng mga eco-aide. Tema ng Earth Day 2024 ang “Planet vs. Plastics” na may layuning malinang pa ang kaalaman ng publiko sa panganib na dala ng plastik sa kalusugan hindi lamang ng taong-bayan kundi maging mga hayop. City Government of Imus