Nasa mahigit sa P 1 1 6 K halaga ng marijuana ang nasabat sa isa umanong tulak at nakasama sa listahan ng High Value Individual (HVI) makaraan ang isinagawang buy bust operation sa Brgy Paradahan 1 tanza, Cavite. Ayon sa report ng pulisya, Kinilala ang naaresto na si Jovany Bael y Maglangit, alias bani, nasa hustong residente sa nasabing lugar. Sa ulat ni PCpl Ehdcel Manalo ng Tanza MPS dakong alas 4:00 ng hapon nang nagsagawa ng buy bust operation ang mga operatiba ng Station Drug Enforcement Unit (SDEU) ng Tanza MPS sa Brgy Paradahan 1, tanza, Cavite kung saan naaresto ang suspek. Nakuha sa Pag ingat nito ang mga bloke ng pinatuyong dahon ng marijuana na may timbang na 967 gramo at street value na P116,040.00 at P5,800 na buy bust money. Sinampahan na ng Kasong paglabag sa Section 5 at 11 Article II ng RA 9165 ang suspek at nasa kustodiya na ng Tanza Police.(MARGIE BAUTISTA)