Mahigit 1,150 Barangay Nutrition Scholars (BNS) mula sa iba’t ibang lungsod at munisipalidad sa Cavite ang nagtipon sa City of Imus Sports Complex noong Miyerkules, Setyembre 10, 2025, para sa taunang BNS General Assembly and Contest.
Ibinahagi ni Nutrition Officer II Kyla Guarda ng National Nutrition Council CALABARZON ang mahahalagang kaalaman hinggil sa papel ng BNS sa pagpapatupad ng mga programang pangnutrisyon sa komunidad.
Ipinamalas din ng mga BNS ang kanilang talento sa Cheerleading Competition, BNS Muse, at On-the-Spot Dance Contest.
Nagbigay-suporta naman sa programa sina Board Member Jasmin Angeli Maligaya-Bautista, City Vice Mayor Homer Saquilayan, at Acting City Administrator Larry Monzon sa kanilang pagdalo.
Ang BNS General Assembly ay pinangunahan ng Provincial Nutrition Office, sa pakikipagtulungan sa BNS Leaders, Nutrition Action Officer Cristina Balana, at Office of the City Health Officer na pinamumunuan ni City Health Officer Dr. Ferdinand Mina.
Layon ng nasabing taunang pagtitipon na mas palakasin ang samahan at pagkakaisa ng mga BNS sa buong lalawigan.
