Bangkay na nang matagpuan ang isang Chinese National sa Patricia Louise Mining Port, Cost way, Purok 6 Barangay Bato-bato Narra, Palawan.

Sa ulat ng PNP Narra, natagpuan ito bandang alas-sais ng umaga ngayon araw ng Biyernes na agad ipinaalam ng punong barangay sa pulisya.

Dahil dito ay agad tinungo ng pulisya ang lugar at doon ay inabutan ang malamig na bangkay na humigit kumulang 50 metro ang layo mula sa pantalan.

Kinilala ito na si Xu Yongsheng 34 anyos, lalaki, walang asawa, General Contact ng DMCI Power Plant.

Ayon sa kasama sa trabaho nito na si Mr. Zhang, kahapon pasado alas-syete ay pumunta umano sila kasama ang biktima sa daungan upang maligo pero ilang minuto ay bumalik ito sa Staff House dahil umano sa pananakit ng tiyan.

Nang bumalik ito ay nawawala na si Yongsheng kaya sinubukan nila itong hanapin subalit hindi na ito nakita.