Balak pangunahan ni tycoon Manuel Villar ang konstruksyon ng parte ng Light Rail Transit Line 1 (LRT1) sa Cavite na aabot hanggang Silang.

Ayon sa isang pahayag, inanunsyo ni Villar na nakikipagusap na siya sa mga grupo ng mga negosyanteng tulad ni Manny Pangilinan at ng Ayala Corp. upang planuhin ang pagkuha ng karapatang mag-develop at mag-extend sa mga nalalabing segment ng extension project.

Sa ngayon, ginagawa ng Light Rail Manila Corp. (LRMC) ang unang mga estasyon ng LRT1 sa loob ng Parañaque tulad ng Redemptorist, MIA, PITX Asia World, Ninoy Aquino, at Dr. Santos.

Sa bahagi naman ng Cavite, delayed ang pag-gawa ng mga estasyon dahil sa hindi pa nakukuha ng grupo ang right of way—aabot naman ang estasyon na ito mula Las Piñas hanggang Niog.

Kung magiging pinuno ng proyekto si Villar, ayon sa kanya’y aabot ang proyekto mula Niog hanggang Bacoor na may pitong stops sa pagitan nito.